،،،،،،،(ميزان الزمان)،،،،،،،،،،
الحب ضاع عز النهار
والحنان اصبح هزار
قطة عايشة جنب فار
واحنا بنهد الديار
العقول صابها الدمار
والجنية اصبح عيار
كل وزنه بالفلوس
والفلوس ويا التيوس
اللي مسكين المدار
عيشة صبحت مستحيلة
نفسي ألبس بنتي حيله
اي هدمه او بديله
يعني فستان مستعار
الهدوم كلتها دابت
والقلوب كلتها خابت
يعني تاكل حتى نابت
ترتشي أو تستجار
كل حاجه عايزه كام
ايه يكفي جوز حمام
والحياة من غير لجام
كل شئ محتاج قرار
والقرار اصبح علينا
من جلودنا اتهرينا
كل واحد له سرينا
نفخ نفخ مفيش شعار
والشعار اصبح يغيظ
موتنا أصبح شئ لذيذ
كل واحد له إفيذ
إتحرق ومفيش خيار
كله ضرب مفيش شتيمة
كله راكب ع البهيمه
والبهيمة مش سمينه
بالرجيم صبحت أنينه
عظمها أصبح دمار
روحها قربت ع الخلاص
صايمه أحسن م الرصاص
يعني موت ومافيش مناص
بس موته ع المسار
،،،،،،،،(شعر)،،،،،،،،،،،،
عبدالله السايح
ليست هناك تعليقات:
إرسال تعليق