*********ب اندم*********
ب اندم علي كل كلمة
حب مرة قولتهالك
ب اندم علي كل لحظة
حلوة عشتها مرة في خيالك
ب اندم علي قلبي اللي افتكرت
أنه في يوم يكون فارس أحلامك
ب اندم علي كلمه مرة
لو قلتها اهدم اللي بنتيه في خيالك
بعد كده يا قلبي جاي تقول لي
أديها فرصة تثبت عكس ذلك
اديها فرصة توضح كل
حاجه و تحقق لك امالك
جايه تاني؟؟؟ جايه تاني عايزه ايه
ما خلاص انا قلتهالك
قلت لك خلاص ما تفكريش
فيا و شيليني من خيالك
خلي قلبك يدور علي غيري
يحقق لك كل شيء في بالك
إن كنت أنا مقدرتش
اعرف كل احوالك
مقدرتش اعرف إن كنت
أنا حقيقة أو وهم كان قبالك
ارجع و أقول انا اللي استاهل
و إنتِ تستاهلي اللي يجرالك
اذا كنتِ مره تحبي و مره تكرهي
و محدش عارف إيه آخر مشوارك
اذا كان جنه و لا نار
ولا علي ايه الدنيا ناويالك
اذا كنتِ فاكره إني
ممكن أعيش علي همس اوتارك
و تحاولي تخدعيني لاء اسمحي
أوضح كل حاجه لجنابك
انا كنت بحبك لكن خلاص
عنادك ضيع كل حاجه قلتهالك
قلبك يا روحي بيكرهني
و انا دلوقتي حبيت بعادك
انا كنت تايه في طريق من
بدايته لنهايته مليان بعذابك
انا خلاص نسيت كل اللي كان
بينا و يا ريت الزمان يرجعلك احبابك
ب ارجع اندم علي كل اللي كان
بينا زمان و ارجع ااقولهالك
اني نسيت حبك خلاص
و انتي يا روحي هنيالك
********** ب اندم**********
بقلمي / عبيد رياض ( عبيد آل حريقه )
منذ عام 1993
ليست هناك تعليقات:
إرسال تعليق