شام ردي عليي /بقلم الشاعره/سوسن قسطون

ردا على مااحصل اليوم في دمشق من تفجيرات ..واعمال ارهابية .. اقول ..

شام

ردي عليي

فتحي عيونك

... حاكيني

شام

شدي حيلك

طول عمرك قوية

شام

وقفي ع حيلك

انت طول عمرك صامدة

شام

لا تنكسري..

 بتنكسر الامة كلها

شام

نسيتي..

 انك بركة الله في القران..

وايقونة المسيح في الانجيل ..

نسيتي ..

انك مخصوصة بدعوة من العدنان

شام

انت اللي انكسر فيكي ..

الفرس والرومان ..

انت اللي منك خرجت..

 جيوش الفتوحات

وانت اللي مدفون فيكي..

 خالد بن الوليد ..

وصلاح الدين..

 وكتير صحابة وفرسان

شام

راجع عزك..

 وراجع مجدك..

 بإذن الواحد القهار

رح ترجعي تولدي من جديد..

 قادة وعلماء 

بس شدي حيلك ..

واصبري

والله ... والله ..

 ارض باركها ربنا ما بتنضام...

يا صاحب الفرج ..

ياعالي بلا درج ..

يامن شق البحر لموسى ..

 حتى خرج

أخرج أهل سوريا...

 من الضيق إلى الفرج ..

سوسن قسطون 

....................................................sawsan