(((صباح الخير)))
لما نقول صباح الخير
كلمه بسيطه تساوى ملايين
شوفت أزاى بتأثر فينا
ونحب الخير بين بعضنا
صباح الخير تسر القلب
وتشفى قلب مهموم وحزين
وتخلينا نعرف بعض
قبل العمر مايروح ونطير
أما الشر دا حقد دفين
نفوس مريضه ناقصه فتامين
عوزين نسموا ونصحوا من فكر عقيم
ونصبح بجد على كل فقير
مش أحنا كلنا مخلوقين من طين
غنى وفقير ومجهول وأصيل
وبعد العيشة الفخمه سنين
وبعد العمر الطويل
أنت عارف هتروح فين
أكيد هتقابل وجه كريم
وبيتك قبر هتعيش فيه وحيد
لوعملك زين هتبقى سعيد
ودا نهاية حق أكيد
لكل مخلوق والبنى آدمين
يبقى نعيش للخير يومين
ونبتسم وكفايه تقصير
عالى الصوت وقول صباح الخير
لكل الناس غنى وفقير
تفرح بك الناس وتقول
أنسان متواضع ومحترم ورزين
أما المتكبر يقولوا عليه
يشبه حيوان مادى وحقير
صباح الخير ياوطنى العربى
لكل مسلم أخويا أكيد
ولكل العالم نحب الخير
بمنطق رسولنا صل الله عليه وسلم
سلام عليكم وصباح الخير
كلمات/محمودصلاح السيد18/3/2017
ليست هناك تعليقات:
إرسال تعليق