لما كنت سليم
لما كنت سليم زمان كنت بجرى
كنت بسبق الطوفان قطر مجرى
رغم ان الرزق حسمه ربى بدرى
ورغم ايمانى بانى هكفى قدرى
واعتقادى ان الرزق جاى اكيد
بس قال لى ربى اسعى بالاكيد
والمعين واحد احد ودا المفيد
هو اللى بيرزق الطفل الوليد
كنت راضى مهما كان بالقليل
بس يا مصر صبحت عليل
همى بالولاد شايله تقيل
لسه محتاجة منى ايه دليل
ان بكر ة غصب عنى مستحيل
ان ارضى ذل تانى او عويل
الاهانة والاستكانة مش بديل
يكفى منك ترفعى ندل وخسيس
اللى باعك واشترى ابليس
وارحمى ابنك فى المرض حبيس
مصطفى قمر
ليست هناك تعليقات:
إرسال تعليق