....(حب تاني مستحيل)......
رغم إني حته مني
مش بسامح نفسي
مهما كنت ومهما كان لي
لوغلطت حاسبت أمسي
شوفتي أنا إزاي أكون
والعقاب عندي جنون
يعني مرة عليك أهون
ألف مرة في العيون
قلب رافض عقل رافض
بأعلا صوت أو بهمسي
مش هسامحك
لوفي أمسك غلطة كانت
لوفي رسمك
الطريق مش مبتسم لي
أصل أنا جربت أسامحك
كنت بور وزرعت قمحي
وقلت أمحك
حتى شكلي رسمتة
رسمة من ملامحك
كنت بحر .. بحر ميت
جيت فتحت هويس
في قلبك
بحرك الميت نطق
موجك التايه وطأ
بحرك المليان خطأ
وسط شطك إبتسم لي
وإنفجر الموج من وريدي
بعد إيد أعطيك إيدي
يتملي وتقولي زيدي
وبتبني سدك
وسط عطائي بان لي هدك
موج بيعلا ويعلا ردك
واللي زرعك واللي شالك
واللي حطك واللي حفظك
واللي كان فاكر بإنه مشالك
بعد كل عطاء له صدك
واللي كان راسم جمالك
والحنان كان يبقى شطك
حتى وأنت محتاجه له
بالخيانة رسمت حالك
والتسامح مش في بالك
ميت خيانة كتبتهالك
واللي بان شوفته برزانة
ريح قوية
وعيون ماتعرف الإستهانه
حتى وأنت في الخيانة
فكرة إنك يوم تصوني
تبقي بين الناس علامة
لا ياعيني
مفروض تكوني
لو مش عشاني ..عشانك أنت
للميزان يوم القيامة
الطبيعي إنك عفيفة
عايشه بين الناس شريفة
الطبيعي مش خيانة
للشرف في الحياة أعلا مكانة
مش كل يوم بتهددي إنك تخوني
خوني وإنسي ورددي
وعلي صوتك بالإهانة
هو أنت كنت بتحمدي
أو مرة بيهمك أزانا
أنت خاينة ومن زمان
معروف خيانتك
يوم ماشوفتك
كنت غرقانة خيانة
طول مسافتك
تاكلي وتشربي وتتنفسي
وترضعي وترضعي خيانة
من غير ماحسيتي بمهانة
ورغم كل حقيقتك وبيئتك
إتحديت الزمن
برغم الثمن
فردت ضلعي وقلت إرعي
من النهار ده مفيش محن
سامحيني كنت فاكرك في المحن
ولقيت خيانتك بس من أجل الخيانة
يعني خيانة بدون شجن بدون ثمن
ورفعت راسك وكنت ناسك
ماأنا أصلي ناسك ..
اللي كنت في حقيقة الزمن
اللي كتب بالعرق وبسن فاسك
وسط كراسك
تاريخ للفضيلة
وقلت أنا عيلتك وأنت تبقي لي عيلة
كلها كام يوم ياعيني
لما جيتي وتناديني
وفي عيون كفن الأماني
وقلت كانت غصب عني
لسه في مكان غير مكاني
وقلت مرة وصعب أعيدها وقت تاني
صدقت قلبي
وقلت أسامحك.لو عشاني
مرة زي سنين وعدت من أمامي
مرة فيها هبقى سيدها
أقول هتسمع شئي يفيدها
يعني هنداوي المعاني
والسنين ركبت سفينة المجروحين
كل يوم بيعدي بيا
يشد من قلبي الحزين
حزن أكحل بيه عينيا
والدموع تنزل أنين
لكن الطبع غالب
حتى لو مربوط في قالب
له مخالب
بالخيانة راجعة تحكي
والدموع ع الخد تشكي
والتسامح م الإيمان
وأنت مؤمن والقلب حقي
وإتلعب بيا بكلام
وإتنهب مني اللسان
وإلتقيت القلب خايب
ولا' هايب ولا' دايب
ولا' حاسس بالأمان
بس كان زي ماهان عليك هان
أي حب في لحظة بان
بالوجع أو بالنصايب
رغم إني حته مني
مش بسامح جزء مني
لو خطأ عليه يبان
رغم إني كنت وياك الجبان
اللي واهب كل عمره
يحمي قلب الألعبان
صدقيني الزمن غير كياني
والخيانة اللي طوق مرسوم في جيدك
مش في إيدي لا في إيدك
يوم تريدي الشرف عارفه مكانه
بس صعب في يوم هيجي
أنسى إنك خونتي حبي
خونتي حبك
وإن صعب في يوم تكوني
حد رافض للمهانة
قصدي رافض للخيانة
........(شعر)......ّّّّّّّ...
عبد الله السايح
ليست هناك تعليقات:
إرسال تعليق