احكي يا شهرزاد
عن الفساد .اللي انتشر بين العباد
و اللي في طريقه وسكته هدم البلاد
وعشانه بيضيع الكتير من أهلنا
ودي حاجة تحتاج من الجميع الإتحاد
اللي بيسرق حق الغير
واللي تملي ضد الخير
واللي بيمشي في عكس السير
وبيهلك في طريقه ملايين
واحكي تاني يا شهرزاد
ع اللي بيتربح من شغله
واللي النصب دا أكبر همه
واللي بيتهرب من عمله
وما بيخافشي يا ناس من ربه
و احكي وقولي يا شهرزاد
ع اللي بيبني في أرض زراعه
واللي بسببه هنبقى جواعه
ونمد أيدينا لجيرانا
وتضيع كرامتنا المنصانة
واحكى تاني يا شهرزاد
اللي معاه يحتكر السلعة
علشان بكرة يبيعها مضاعفة
والغلبان مش لاقي الدقة
والعيشة صعبة وسط ديابة
وع اللي بيغش في بنا عقارات
وبسببه تقع العمارات
والأبريا تحت الأنقاض
وبياخدوا لقب الأموات
واللي بيفكر ياكل التاني
وينهب حقه يا ناس في ثواني
وضميره أصلاً عنده أجازة
وفي الآخرة على نفسه الجاني
واحكي تاني يا شهرزاد
قلم # أمل صلاح#
ليست هناك تعليقات:
إرسال تعليق