(((حاولت أنساك)))
حاولت أنساك ولا عرفتش
عملت كتير ولا قدرتش
وصوتك جوه في وداني
واسكِّت فيه ..ما يسكتشِ
وصورتك جوه في عيوني
وأبعدها ........ما تبعدشِ
وروحك حايمة حواليا
في كل مكان
وتحكي لي وأحكي لها
على اللي كان
وأكون عطشانة تسكرني
بحلو كلام
وبعمل . إنني جامدة
وأنا جوايا ..نار بركان
وأقضي اليوم بساعاته
أفكر. أنني أنسى
ولكنه .........يا دوب أوهام
وأنسى إزاي
وأنت.. بتجري في الشريان
غيابك عني بيزيد.... اشتياقي إليك
ولو فكرت إني أبعد
ألاقيني........ بفكر فيك
ولا قادرة في يوم أنساك
وطول الوقت بستناك
وروحي وقلبي وعينيا
تملي معاك
وقلبي ما نبض لسواك
وحلمي في ساعات لقياك
يا ريت تساعدني وتقولي
على وصفة .....
تخليني حبيبي أنساك
********************
قلم أمل صلاح
ليست هناك تعليقات:
إرسال تعليق