....(( زراعة ضمير )).....
مصر
محتاجه زراعة ضمير ....
من أي مسؤول صغير او كبير
لا إسترخاء أو إستثناء
أو إستقواء بسلطة أو سفير .....
مصر
ظلت سنين مَرٌتع .....
لأصحاب النفوذ مطمع
لازم...حق البلد يرجع
و السجن للحرامية مصير......
مصر
محتاجه زراعة ضمير......
من مدير لمحافظ أو وزير
البلد في أيٕديكم أٔمانة
بكفاية عليها إهانة
و الناس من همها دبلانة
و ربك بأحوالهم بصير......
مصر
لسنين كانت طابونة
ناس كتير نهبونا
و ناس بالظفر تحفر صخر
و آخر الشهر
ما تلاقي حق الصابونة .....
أراضي ...
من سنين منهوبة
بأيدي في الفساد موهوبة
إزالات لإنشاءات مطلوبة
و الاْيدي مرتعشة و مرعوبة
و الأمر صعب و خطير.......
مصر
محتاجه زراعة ضمير......
و السلطة أصبحت في ورطة
أصل الفساد في كل نقطة
تراها العيون علي الخارطة
و تطوير أي خطة يلزمُه تطهير......
أوامر
صادرة صريحة
من عيون تبغي النصيحة
و قلوب من الهم جريحة
لعودة حق الغلابة
من بين أنياب الديابة
محتاج إرادة و صلابة
و زلزال و بركان و زئير......
مصر محتاجة زراعة ضمير .....
د/عمر عبد الجواد عبد العزيز
ليست هناك تعليقات:
إرسال تعليق