المرأة الريفية الجزء الثالث ( للشاعر يوسف الحمله )
( وعن الكرامة أتحدث بلسان المرأة )
جوازه سوده ....
قـلـت أتـمـشى فـي العـصـرية
لجـل مـا أجـيب طبخة بـامية
خــدتـهـا مــاشيـة لحـد الغيط
فـ عز النـهـار والشمس حامية
لا حـد قـالـي إركـبـي يـا خـاله
وكااااااام ركـوبـه عـدت عـلـىَّ
هــي الـنـاس جـــرا لـيــهـا ايـه
للـدرجـادي خلاص بقت مؤذية
وبـعـد تـعـب وصـمود وإصرار
وصـلـت الغيـط على المغربيـة
إلا والاقـي بـعلي أبــو الـعـيـال
نـايـم والبهايم م الجوع ملوية
وأنــا أقــول لـبــن الـبـقـرة لـيـه
بـيـقـل يوم عن يوم في إيدية
أتـاري بـعـلي إللـي بـيـبـعبـعـلـي
وبيجي م الغيط مستقوي علىَّ
بيسيب البهايم م الجوع ملوية
روح مـنـك للللللللللله يـا بـعـيـد
فـز قـوم ياللا وعـلـق الـعـربـيـة
من غير "س وج" إملاها برسيم
خـلـي الـبـهـايـم تـبـات متعشية
تـستـحـمـل تبـات الليلة جــعـان
آه يــانــا مـنــك يـا أبـو قـــردان
دانـت فـي دقيقة تقلبها حـريقة
وتـلـم عـلـىَّ كــل أهـــل الـقـريـة
فــز قــوم يـاللا خـلـيـنـا نـــروح
الـعـيـال لـوحدهـم وأنـا صـايمة
ولا أنـت ايـه شـكـلك فـاااااااطر
وقـال ايه الـصـيام بـيـحوأ فـيـا
قـوم فــز قــوم .. خـلـيـنـا نـروح
ده جوازه سوده وإتحسبت علىَّ
ونلتقي في الجزء الرابع إن شاء الله
جوازه سوده
بقلم شاعر الحدث
الشاعر يوسف الحمله
31/5/2017
ليست هناك تعليقات:
إرسال تعليق