نبضـــى ســــرك / بقلم الشاعرة / عبير الجندي

.. نبضـــى ســــرك ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مش هسيبك ..

مهما قالى صوت بيصرخ ..

من جروحك إنى أبعد ...

مش هسيبك..

دانت نبض القلب ليا ...

وبين عيونك يا هوايا 

بانيتلى معبد ..

كنت فيه نجم الليالى والقمر ..

كنت لحن العشق طارح 

بالغرام ..

والأمانى لقيتها جنه ..

بين رموش الحلم اصحى ..

جوا نبضك أو انام ..

لحظة الافراح ف قربك تسوى عمرى ..

ونبضتى لهواك تصون ..

مستحيله الهجر يقدر يبعدك ...

عن حنانى او تهون ..

اصل حبك يا منايا سر اسرار الحياه ..

الماضى كله واللى جاى ..

بين عيونك منتهاه ..

انت مالك نبض قلبى ،

والسما..والربيع تطرح نداه ..

ياحبيبى لما بصرخ بالحروف الحلوة اسمك ...

بحس قلبى نغمة ..باقية 

للى جاى ..

تسبق مناه ..

اوعى مرة تقول سيبينى ..

يبقى حكمك بالوفاه .

خدحنان العمر كله بين اديك ..

جوا قلبى دنيتك ...

نبضى سرك ...

وانت ف الامطار غطاه ..

انت مالك دنيتى ..

نعمة من عند 

الإلاه ...

؛؛؛؛؛؛؛؛؛؛؛؛؛؛؛؛؛؛؛؛؛

عبيـــــــر الجنــــــــــــدي

همسـღـات اســــتثنائــღــة