# مع نفسى #
فورآ انا باخد اجراء
وببعد عن الاضواء
مع نفسى ع انفراد
من غير اى اعتراض
مقصدش انا انطواء
بحب اقعد مع شخص
ساكن جوا منى
بنقدر ببعض نحس
وسهل افهمه ويفهمنى
بقعد مع نفسى ادردش
ومين يفهمنى محدش
محبش دوشه وزيطه
وبدارى جنب الحيطه
وبشربه شربات
كدب الحوارات
وبتظاهر انى عبيطه
بخاف انى اجرح حد
ومحبش حد يجرحنى
بحب الصدق والجد
ومحبش الضهر المحنى
صعب اوى ازعاجى
والاستسلام بمزاجى
كلمتى من دماغى
وكلام غيرى لاغى
محدش يأمرنى
ولا يجبرنى
وقرارى انا اللى طاغى
# بقلم : شيماء الدالى #
ليست هناك تعليقات:
إرسال تعليق