..(( آه منك يا دنيا ))...
آه منك يا دنيا ....
بتيجي ديماََ علينا
والدمعة لامعة ف عنينا
لما إنتي يا دنيا فانية
ليه علينا جانية ...؟؟؟
و برمش العين في ثانية
العمر يضيع من إدينا.....؟؟؟
آه منك يا دنيا.......
تشتري و تبيعي فينا
و لا يوم ضحكتي لينا
و من همك نسينا
روحنا وناسنا و أهالينا
في عز الفرح نسيانا
وفي حزنك بس فاكرانا
و بحملك ... بتميلي ََ علينا
آه منك يا دنيا......
حاولت كتير أصالحك
وأنسي ظلمك و أسامحك
يمكن في يوم تحني
و اشوف يا دنيا فرحك
تزيدي في عِندِك وجرحك
واسيا .....ديما علينا .......
آه منك يا دنيا.....
لا مرة واحدة تواسينا
ولا بغيرنا حتي تسواينا
و الجرح يا دنيا مسوينا
واللي فينا منك مكفينا
ولا حد حاسس بينا.......
آه منك يا دنيا...
ليه يا دنيا معانداني
والحظ وأنا واقف عداني
لا ريس المركب عداني
و ع الشط سابني وحداني
ولا حد سأل فينا......
آه منك يا دنيا.....
متوهانا في سكة تانية.......
إمتي النصيب هيسمح
والقلب معاكي يفرح
أنا في خِلي ديماََ بسرح
لكن الحزن ما خَلي للفرح مطرح
و كأن الوحدة قدر و إنكتب علينا .......
آه منك يا دنيا.........
د/عمر عبد الجواد عبد العزيز
ليست هناك تعليقات:
إرسال تعليق