#حاله نفسيه#
بيعم حوالينا حاله مرض
والشفا بقى صعب وانقرض
حاله نفسيه ومستعصيه
والوضع علينا اهو انفرض
كترت فى حياتنا الازمات
واسئله ملهاش اجابات
ورا كل باب علامه استفهام
وكل اجابه ناقصها كلام
بسمه تترسم وتفسير يتقسم
على ان فى حاجه مش تمام
الحقيقه مبقتش حقيقيه
بلسان مزيف طالعه ومحكيه
كل الحقايق مبقتش كامله
حلقه مفقوده وناقص جمله
جوا حياتنا عايشين صراع
وعندنا كلنا حب استطلاع
نسمع غيرنا ونخليه يحكلنا
ونلاقى موهبه حسن استماع
ومع كل كلمه نركز ونلاحظ
وللدمعه نحجز وندى مواعظ
وكأنها مسرحيه فيها ادوار
وورا كل دور تلاقى اسرار
الدكتور يطلع مكسور
والحكيم تلاقيه محتار
وفى حياتنا حاجه مكسوفه
خايفه تبان وتكون مكشوفه
وبقينا بنعانى من الاحتياج
وجوانا نقط محتاجه علاج
اوعى تقول مستقيم وسليم
اكيد عندك جانب فيه انعواج
# بقلم: شيماء الدالى #
ليست هناك تعليقات:
إرسال تعليق