# دوقى عذابك #
حلى فى عنيكى
بعد ما سابك
راجعه بتندمى
وتعيدى ف حسابك
ياما أتمنى
يكون من أحبابك
جه ونادهلك
ووقف على بابك
يستحمل غلطك
وعمره ما عابك
تغلطى ف حقه
ولا مره اغتابك
تقللى من قيمته
وتتباهى بشبابك
عشق ارضك
وعشق سحابك
عشق سماكى
وعشق ترابك
نداكى كتير
ووجعتيه بجوابك
ياما كان بيغير
حتى من جلبابك
مرحمتيش ضعفه
وهو على اعتابك
رجعالوا ليه
و إيه إللى جابك
مش هتشفعلك
كل أسبابك
غرورك زاد عن حده
وملا كتابك
كل شئ بيدينك
حتى عتابك
بعد إيه جايه
وبترجعى لصوابك
من نفس الكاس
يالا دوقى عذابك
#بقلم: شيماء الدالى #
ليست هناك تعليقات:
إرسال تعليق