شجرة الصفصاص للشاعر:د.هشام الفقى
................................................
ياشجرة الصفصاف طول عمرى غالية عليا
والعمر كله ما شاف زيك فى حنية
عشق السنين عَدِيت عشق السنين جاية
قاعدة السنين عالشط أجيال تُمُر عليكى وانت معدية
أغيب عنك كتير وأخاف عليكى بموت ودموعى فى عنية
أعود بشوق لمكانك ألقاكى مستنية
ألمح فى عينك شوق لسنين معدية
أسند عليكى وأرتاح من كل ما فية
يا عود كغصن البان
وأغصان كشعر حرير بتلاعب المية
تحكى حكاوى العمر لموجة نيلية
فى الأصل ضاربة جذورك فى النسيم عالية
شايفك فى كل مناسبة وحكاية مصرية
أكاليل وزهر النصر على بابك يا محروسة
وأفراح لكل عروسة وعِيدان فى قلب الكوشة
بالورد مرصوصة
فاكرك فى حضن النسيم ..ولا لحظة منسية
أغيب وأعود ليها تلقانى بحنية ......هشام الفقى
ليست هناك تعليقات:
إرسال تعليق