متلصمة
ماشية بالزق متقسمة
وانتا موش عارف اولها من اخرها
متلصمة
ومهما تعافر فيها مكممة
يعنى خط مرسوم ماشية ملولوة
ومها تلف وتدور هيا هيا
متلصمة
ولفة على رقبينا خيط حديد
مكبلة ايدينا بالف عيد
مرسومة علجبين مواعيد
متلصمة
ومحوطانا بالف سور
من مئاذن وبيوت قصور
مابين الشارع والمدنة كف مكسور
متلصمة
مفيهاش غير صوت منبوح
وكام طير مستنى معادة يبقا مدبوح
والهم والخوف من بكرة اللى جاى بنوح
وشواشي الدرة بريحة شياط بتفوح
متلصمة
ماشية خلف خلاف بلا عاذة
واللى تعوذة غيرك رماة من غير عاذة
واللى بتجرى وراة بيجرى ورا اللى ملوش عاذة
واللى فى ضهرك ساندك تسيبة بلا عاذة
متلصمة
ومتلسئة زى نواية ساندة زير
ولا قشة تنقذ غريق
ماشية ماشية بيك ولا من غيرك
واكتر حد يغدر بيك اللى واكل خيرك
متلصمة
تايهين فى شوارعها كل واحد فى همة
اللى ناسي اهلة وغاضب امة
واللى ناسي حتى اسمة من غمة
واللى راضى بحالوا وغرقان بسمة
واللى نفسة الارض تبلع نفسة
متلصمة
الشاعر يسري خليفة
ليست هناك تعليقات:
إرسال تعليق