وحشتنى
محتجالك
محتاجة حضنك وحنانك
محتاجة دفء أيامك
محتاجة لقربك وأمانك
محتجالك
لسة فاكرة
حاجات كتيره بنا
ومهما بعدنا
أنا فكرالك
نظرة عيونك
ودقات قلبك
لسة فاكرة
حبك وخوفك علية
حتى غيرتك
أيوه فاكرة
جنونك وحيرتك
ظنونك وشكك
ورعشة إيديك
وهى حاضنة إيدية
أيوه فاكرة
ومش ناسية
إن الدنيا من غيرك
قاسية
والدموع فى عينيه
جافة
من كتر ما نزلت على اللى فات
واتحسرت على الذكريات
أنا لسة فاكرة
ضحكتك لمعة عنيك
لما كنت تشوفنى
جاية من بعيد
فاكرة ومش ناسية
أد إيه أيامنا
كانت حلوة
وحشتنى
بقلمى/منى اسماعيل
ليست هناك تعليقات:
إرسال تعليق