""" كـــان يـامـا كـــان """"
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
كان ياما كان..
كان فيه حبيب زمان..
يتمني كلمة حلوة
بيقدم القربان
يقولي انتي شمسي
وياخدني بالاحضان
ويقولي انتي عمري ..
ووطني والزمان
ويقول انتي اللي ليا...
ومليش غيرك حنان
بس انا كنت اللي قاسيه
لا قلت كلمة حلوة...
ولا مرة شفته فارس ...
ولانبضه ليا غنوة
وعنه فجأة مشيت
ورحت دنيا تانية
شفت كتير الوان
كلام معسول ورايق
يشغل وباله رايق
يلعب بكل قلب
ولامرة قلبه حب
قالي انتي حياتي
وانتي عمري اللي جاي
وانتي ملكة زماني
وانتي سعدي وهناي
بصيت بقلبي ف عينه
قالتلي ع الحقيقة
كداب هو وغاوي
في كل يوم عشيقة
بعدت عنه جريت
من كدبه اداريت
وصنت طُهْر قلبي
ورجعت قوام لدربي
وقفلت عليًا بابي
وف يوم سمعت خبطة
بتدق بايد حنان
تنده وتقول ياعمري
انا الحب اللي كان
ماكان لي مرة غيرك
ومصيري هو مصيرك
تعالي ف الاحضان
واروي القلب اللي شاري
اشفيني م الحرمان
ياقلب حيرني حالك
قولى ع اللي جرالك
نقفل علينا بابنا
ولا نعيد اللي كان
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بقلم /عبير الجندي
همسـღـات اســــتثنائــღــة
ليست هناك تعليقات:
إرسال تعليق