هذه القصيدة مهداه لأبطال وشهداء الجيش المصري
في حادث الواحات الإرهابي الأخير
علمونا في الحربية ( للشاعر يوسف الحمله )
------------------------------
علمونا في الحربية
مـعـنى الشجاعة
علمونا حب النضال
علمونا في الحربية
عـشـق الـيـراعة
علمونا نكـون أبطال
علمونا وقـت القتال
إزاي نــعــدي القـنال
إزاي نـواجـه الـعـدو
إزاي نتحدى المُحال
علمونا نحترم القيادة
علمونا إن الـخـاااايـن
مـقـامه تحـت البيادة
والأمين بالعين ينشال
علمونا في الحربية
»»»»»» «««««««
علمونا في الحربية
إن حـب البلد أمانه
وإن الرجوع للخلف
يـبـقـى أكـبر خيانه
علمونا حــب الـعَلـم
والروح لفداه عطشانه
علمونـا إزاي قـلـوبـنـا
ترفض الموته الجبانه
علمونا في الحربية
»»»»»» «««««««
علمونا في الحربية
حـب الجار ولو إستجار
نكون له أقرب م الوريد
أقـرب مـن ضـوء النهـار
علمونا إن سـيـف الحـق
أقوى من الحديد والنار
علمونا في الحربية
»»»»»»» «««««««
علمونا في الحربية
حب محمد وعيسى
حببونا في المساجد
حببونا فـي الكنيسة
عـلـمـونا إزاي نـفرق
بين الحبيب والدسيسة
علمونا بلغة الضاد
إزاي دايماً نصطاد
وما نبقى يوم فريسة
علمونا في الحربية
حب مصر المحروسة
علمونا في الحربية
إن الشـهادة عـروسة
علمونا في الحربية
الوطنية
والإنسانية
والتضحية
»»»»»»»» ««««««
علمونا في الحربية
بقلم شاعر الحدث
الشاعر يوسف الحمله
21/10/2017
ليست هناك تعليقات:
إرسال تعليق