حزن العنب
متزعلش يا عنب مني
انا عمري ما فرط فيك
انت مفرط سامحني
وعناقيدك مدلدله عليك
رموشك كانت بتضللني
واعشق أشوف عينيك
وبخاف لما تبقي نبيذ
ح تلخبط حياتي بيك
وانت طعمك لذيذ
وألوانك تشدني ليك
ولو في بلاد الإنجليز
اروح أجيبك وأشتريك
عشان انت عليا عزيز
وغلاوتك ملهاش شريك
ومحبش أشوفك عطشان
بخوفي ودموعي أرويك
أو تدبل من الأحزان
أرجوك إفرح الله يخليك
يا ناس حزن العنب له أوان
وطول عمري يا عنب مستنيك
......................................ً..............
......... الشاعر حسن الشوان ...............
ليست هناك تعليقات:
إرسال تعليق