شمس مصر
عمرها ما غابت .
و عمرها ما هتغيب.
حتى إقرا تاريخ مصر
تلقاه تاريخ عجيب.
و هنروح بعيد ليه
ما قدامنا إمبارح
و أهو لسه قريب.
مصر واقفة
و رافعة راسها رغم الجراح.
و لسة برغم كل أحزانها
بتزغرت و مستنية الافراح.
و لسة رجالتها فرسان
و بناتها جدعان.
و اقفة عفية
فى وش اللى باع
و فى وش اللى خان.
أقول إيه
مش قادر أقول
واقفة فى وش الزمان.
أقول إنها مكانة
أكتر منها مكان.
ما تخافوش عليها
مصر طول عمرها فوق الزمان.
كل دمعة حزن دفعوها المصريين
ربنا هيععوضها.
و هيرفع مصر لأعلى مكان
و يمجدها.
و ولادها إللى دفعوا دمهم مهر ليها.
أحياء عند ربنا و بيدعولها.
الشاعر العجوز
مرقص اقلاديوس
ليست هناك تعليقات:
إرسال تعليق