ضحكة
ضحكتة من قلبه طالعه
ضحكته من بعد دمعه
حُزنه بيغيّر ملامحه
ضِحكُته بتدّارى جرحه
نفسه يعرف طعم فرحه
لكن الدنيا مِمَانعه
كل لحظه فيها يشقى
نِفسُه وقت الضَلمه يِلقَى
بين إيديه ضَىّ شمعه
نفسه يفرح من زمان
كل أمله يَدُوب حنان
ضحكه بس تواسى خوفه
لقمه واحدة تخُش جُوفه
ماهو برضو ياناس كيان
مش بيطلب مال وجاه
عُمر ماستسلم لِ أه
من مرار الدنيا شارب
بالعزيمه كمان بيحارب
جُوّا معركة الحياه
ضحكته بجد بريئه
فيها معنى للحقيقه
ضحكة فيها ياناس معانى
أوعى تحزن يابنى تانى
خلّى صورتك لِينا فكرة
نبنى بيها وطن بِيعانى
............
سيد عبدالوهاب
ليست هناك تعليقات:
إرسال تعليق