قلب الوطن /بقلم الشاعر/ عادل محمود

قلب الوطن ...

قلب الوطن .. بيبات حزين ..

يبكي على مين؟ ولا مين ؟؟؟....

ع اللي بيموتوا ف سينا ؟؟؟

ولا اللي ماتوا غرقانين  ؟؟؟

ولا اللي ماليين السجون ؟؟؟ .....

ولا اللي ماتوا متغربين ؟؟؟ 

آه .. يا قلبك يامصر ....

هما أهلك راحوا فين ؟؟!!!

ولا الخوف قطع لسانهم ؟!!

وودانهم سدوها طين ..!!!!

والله يامصر من كتر ظلمك ..

بقت عيشتنا سواد وطييين ...

لا بقينا عارفين فيكي نعيش .. 

ولا من همومك خلصانين ..

مبقاش مكان لشريف فيكي 

واللي عايشين .. طبالين ..

وشوية اراجوزات تضلل ..

عقول بالجهل مغيبين ..

والله يامصر عشت أحبك ..

نخيل ونيل وعلم وطين ..

جوعونا .. وموتونا ..

وكأننا مش بني أدمين ..

منهم لله ... وصلونا 

نبيع الأرض سداد لدين

من يوم ماقولنا عيش .. حرية ..

وهما فينا مبهدلين ..

قلب الوطن .. 

بيبات حزين ...

بقلمي / عادل محمود ...