،،،،،،،(سكة تيوان )،،،،،،،،،
زهقنا نقول يازمان
وكلامنا أصبح مأثورة
مكتوب على باب غلبان
وكتيرنا واضح في الصورة
لااتعشى ولا نام دفيان
وسياسه ورجلها مكسورة
وبتذحف ولاشئ بيبان
وقليلنا حاجز مأصوره
يتحكم في دوا العيان
أجدادنا حلو الفزورة
وقدمهم ميت سنه قدام
اما إحنا عجزه بدبوره
وبنشحت على كل ببان
نستورد توكتوك أموره
ونكسر توكتوك لو بان
وحياة ببطايق معذوره
والدخل بيزعق لو كان
سكتنا كلها مفحوره
والشعب مغمض وإتهان
لو واحد يبني المعموره
ميت واحد مرتشي خيبان
وسندنا الصبر على ماسوره
والصبر وعايش مرضان
حبينا العيشه العوره
والعورة مش لاقيه كيان
في البحر خدونا بطياره
ورمونا في سكة تيوان
امريكا تقول لك ياخسارة
وتنادي حقوق الانسان
وتصدر م البحر مراره
وتقول لك شيعي وغلبان
وتساند وبكل جساره
الناقم على أرضه ان نبان
وتعبي وتملا العباره
أتباعها والساحة دخان
وغرقنا في سني أو شيعي
وعليهم حبة غربان
وإتلخبط صيفي في ربيعي
واختالوا العقل بروقان
والنخر وشغال في ضلوعي
والشعب بيلهث حيران
وإتلخبط مخي مع كوعي
نفسي أثبت ان أنا إنسان
،،،،،،،،،،،،،،،(شعر)،،،،،،،،،،،،،
عبدالله السايح
ليست هناك تعليقات:
إرسال تعليق