حصن الكنانه
علشان اعرف ابتدى حكاية جيش
غير الدنيا من البداية
بتاريخ بطولات مالو نهاية
فى حمى أرض الكنانه
ووطن عربى من شر النوايا
أسد مايهاب غير الله عبادة
والنهارة ولاد الرفاعى آيه
بوجوه بموكب عرس فرحانه
بشرف إنهم حصن الكنانه
وشافوا روح أميرهم
فى إستقلبهم على باب الجنة
والحيرة فى عيونهم من جماله
هو إبراهيم الرفاعى من صغرهم عيونهم
وحلم كل منهم
إنه يكون جنب منه حتى لو كانت شهادته
فدا وحب فى بلده
على أرض الذكريات
من زمن عدى وفات
وماتغيب ابدا شمس لالىء هناك
رسمه على رمالها
وجوه حلوة بتنشد فى غنوة
تكبر لله فى قوة
إحنا هنا الشهدا
على أرض سينا
وشفوا ولادنا فى حصن قوة
ماتنهى الحكاية فى كلمة
دا شهيد مات
هايجى غيرنا لحد الفرات
وبكرة مش بعيد غنوة
نشدها روح شهيد وفاكرين انه مات
طب شفوا إسودنا
فى كل شبر على تربها
واقفين مايخافوا ممات
زى ماكنا إحنا
لما يستشهد حد منا
نفرح ونتمنى نكون وياه
دا حصن الكنانه
مايخافه ملامة
حتى لو سقط وردة
يطلع غيرها ورود
شوكها طالع حربة
لكل غادر ببلادها
ونسمة اللى مد إيده بسلام
لأرض عمرها ماهاتنحى
حتى لو راح كل يوم منها شهداء
وبكرة يابلادى أحلى
وزرعك نادى
بيد فلاح هادى
وولد على الحدود شادى
بغنى والسلاح فى إيده
بحبك يابلادى بحبك يابلادى
وإم تسجد لله فى صلاتها
يحفظ ولادها
ويكونوا فدا
وإن رجعوا ملفوين فى علم بلادنا
تزغرد من فرحتها بولادها
هى دى بلادنا
كنانه الله فى أرضه
وحصن ليها بجيش من ولادها
خير أجناد زى ماقال حبيبنا
محمد رسول الله (ص)
وماتخافوا أبدا عليها
طول مافى رجالها فدا ليها
وإسئلوا الصقر عمر عنا
هو اللى عارف قوتنا ومجهودنا
....................................بقلمى حسام غنيم
ليست هناك تعليقات:
إرسال تعليق