معارضه لرائعة الشاعر القدير أحمد فؤاد نجم
( اللي خانوا العهد بينا )
اللي خانوا العهد بينا .. و استباحوا كل حاجة
و استهانوا بالعروبة .. و استكانـوا للخـواجة
مستحيل حيكونوا منا .. احنا حاجة و هما حاجة
هما باعوا الجلابية .. و الوطن و البندقية
واحنا أصحاب القضية .. إحنا ما بنبيعش مصر
يا عرب يا عرب يا أهل مصر
بقلم الشاعر القدير أحمد فؤاد نجم
ــــــــــــــــــــــــــــــــــــــــــــــــــــــــــــــــــــــ
اللي خـانـوا العـهد بينا ( للشاعر يوسف الحمله )
اللـي خـانـوا الـعـهـد بينا
اللي بـاعـوا كل حاجة ..
اللي عاشو سنين مابينا
اللي عملونـا بسذاجة ..
اللي دمـــروا حيـاتنـا ...
اللي شــــردو ولادنــا ...
اللي خــربــوا بـلادنـا ...
مستحـيـل يكـونـوا منا
هما حاجة واحنا حاجة
اللي خـانـوا الـعـهـد بـينا
اللي استـبـاحـوا عــرقـنا
اللي استـغـلـوا طيـبـتـنا
اللي لـعـبـوا فـي ورقـنـا
اللي زورا فـ الـحــقـيـقـة
اللي ميتأمـنـوش دقيقة
مـهـمـا هتتلـون وششهم
مش هناكـل م الكلام ده
طـز فيهم داحـنـا فـوقنا
اللي خـانـوا الـعـهـد بـينا
اللي اتـمـادو فـ الــنـفـاق
اللي اتـحكـمـو فـ قـوتنا
اللي سـابـونـا فـ اختناق
اللي غرفـوا مـن الوزارة
اللي غرفوا مـن السفارة
شوف آخـرهم ايه معانا
وبـالأمـانـة مش خسـاره
مـن الإدارة يمين طلاق
اللي خـانوا الـعـهـد بـينا
اللي سمـمـو فـ الـحـيـاة
اللي عَــادونـا فـ جـيـرانا
وخنـقـو النيل فـ مجراه
اللي هــامشو الــــزراعـة
اللي دمــروا الــصـنــاعة
مـن دعـانا عليهم دايـماً
شفنا فيهم والله سـاعة
عــودة الـحـق اللـي تـاه
اللي خـانـوا الـعـهـد بـينا
واللهِ دولا جـنس واطي
ومـهـمـا طـال العمر بينا
مستحيل لـيـهم نطاطي
إحنا عشـنا راسـنا عالية
والأصالة دي فينا غالية
إحنا "مـصـر" وهما قشه
يــا للا نـنـضـفـهـا بمقشه
يـا للا نتوكـل ع العاطي
اللي خانوا العهد بينا
بقلم شاعر الحدث
الشاعر يوسف الحمله
14/7/2017
ليست هناك تعليقات:
إرسال تعليق