...(( إبن الشهيد ))...
يا إبن الشهيد حقك علينا
الموت لا بإختيارنا
و لا كان. بإدينا ......
رصاصة الغدر طارت
و لحكم القدر إختارت
أعز ما ليك و أغلي ما لينا......
يا حمزة إرضي بالقدر
اللي راح ما. يرجعش
قلبي عليك إنفطر
وانت بين الجنازة و النعش....
و إصلب طولك يا غندور
و إعلم أن حقك محفور
في قلوبنا و جوه عنينا.......
إبكي........إبكي يا ولدي
و طلع الحزن في دموعك ......
لا تشكي و لا تحكي
و إفرد يا بطل قلوعك.....
بلدك في إنتظارك
في لحظة رجوعك .....
تعدينا.......
و تزرع من الألم أمل
ينور بيك .... ليالينا.......
حمزة يا ولدي إجمد
أبوك كان شهم و أسد.....
لا جني و لا إنحني
و في وجه الرصاص صمد
سمع من الطير بوحه
و فهم من لغاه نوحه
و بروحه وقف يحمينا......
إصمد يا حمزة و خليك
لإخواتك و بلدك سند.....
ناس في بلدنا تعاديك
وسطينا كمالة عدد
(هما حاجة و إحنا حاجة)
و وقت الحاجة
ما نلاقيهم في إيدينا.....
مستنيك تكبر يا ولدي
ما عمر اللي راح
كان منسي . ....
تاخد بتار أبوك
و بيمينك مركبك ترسي.....
و تصنع للوصل همزة
و يسمع العالم صرختك
أنا دمي فدا. بلدي
أنا البطل حمزة
ٕإبن الشهيد منسي.... ..
د/عمر عبد الجواد عبد العزيز
ليست هناك تعليقات:
إرسال تعليق