بتداري ليه الحنيه عني
وتظلميني
ليه عايزه فيكي بجد إنتي
تصدميني
تشوفي قلبي بيتوجع
ويموت عشانك
لا تحسي بيه ولا هو حسك
حبيتيني
قبضه في مشاعري لما بتغرب
وببعد
يمكن أعاند فيكي
بس في روحي بعند
بيبان عليا لما بروحي
بقعد
واتفاجيء إنك برده
لسه بتملكيني
ماانا اللي متربي حقيقي
جوه منك
تستغني عني لكن أنا
ما استغني عنك
ولا وني عارف إني أوقات
مش بهمك
لكن لو حد مسك
قربك بتلاقيني
وتشوفي قلبي بيتوجع
ويموت عشانك
لا تحسي بيه ولا هو حسك
حبيتيني
=============
لو تعرفي إن قلبي
هو بيتك
وهو برده اللي مابينكرش
خيرك
علي العموم ياغاليه
كتر ألف خيرك
ماالعادي منك ماانتي
غاويه توجعيني
سقياني مر الغربه وبتقسي
بطبعك
طب اعمل ايه مهو غصب عني
راح أطوعك
ماانا قليل الحيله فيكي
وبرده اسمحك
بس وحياه اللي بنا
أوعي تضيعيني
دلأن قلبي بيتوجع
ويموت عشانك
لا تحسي بيه ولا هو حسك
حبيتيني
================
جوايا ليكي كم سؤال
إنتي ليه بتحيريني
وسط بحرك ببقي بغرقك
وإنتي عارفه وبتسبيني
مش هو انا إللي بيضحي
عشانك
مهو برده أنا اللي
بيضيع من جنانك
تظلميني وسايبه الف
قلب خانك
حرام عليكي تعبت
حسي وريحيني
دا لأن قلبي بيتوجع
ويموت عشانك
لا تحسي بيه ولا هو حسك
حبيتيني
==========•===•===•
احمد طلبه
٢٠١٧/٤/٢٦
ليست هناك تعليقات:
إرسال تعليق