صباح الفخر والاعتزاز
===
انا محمود ابنك كفرراعي
على قمم المجد باني قلاعي
شمخت وبالشعر شمخت سطوتي
اصيل وفارس وسيفي يراعي
على خصمي وقت اعلن هجمتي
ما في قوه بتوقف اندفاعي
بميدان الشعر قوة ضربتي
ما بتخلي ولا مغرور واعي
بيوقع عند ما لوح بشلفتي
ولا بيقدر ع صدي والدفاع -ي
سباع الفن تجفل من نهرتي
وتركع في اشاره من صباعي
واذا لمست الليونه في جولتي
انا ليني بيطغى عا طباعي
ببحر الشعر لو مخرت سفينتي
عتو الموج ما يهابو شراعي
تراث بلادنا اعتز بكلمتي
وزجلنا ومنبره بالقلب راعي
حضنته بمهجتي وشرشف لهفتي
تا يكبر عالمدى رح ظل ساعي
فلسطيني ومعروفه لهجتي
ومثل المسك عالمنبر سمعتي
قدير وبالزجل شو طويل باعي
====محمود شبيب ====
ليست هناك تعليقات:
إرسال تعليق