*****( حلم الغلابة)**********
بقلم...حسين إبراهيم
إحنا جوا الحلم نمنا من سنين
إن بكرة جاي ومعاه الطحين
نخبز وناكل
دا العيال ليهم سنين في طين
يجي الشتا لايلاقوه هدمة
والليل يناموا مالبرد مقرفصين
والنهار زي الحمار بدور في
ساقية وياريتهم شبعانين
ولا بيكفي إل باخده
أكل هدمة دوا ولا حتة
سمين
بيسمونا الغلابة وحقنا
تاكله الديابة
ويسبونا محرومين
ياض يا يسين
أزعق عاخوك عبده
خليني نلحق الوقت
لينا كام يوم في الفاعل شغالين
والمقاول نقوله هات يقول
منين
الشركة مافيهاش فلوس
والدورل بقي بجناحين
والغلا والكوي وإحنا
نروح لمين
نشتكي حالنا مين
فينا هيسأل
لينا رب العالمين.....
ليست هناك تعليقات:
إرسال تعليق