#وقف الساعات#
ازرع فى القلب شجره
تطرح حب وغرام
ونتجمع بعد غربه
ونتلاقى وسط الزحام
خلى القلوب تسرقنا
ومشاعر حلوه تسبقنا
ده البعد علينا حرام
قرب ضمنى يالا بأيدك
سمعنى نبضك فى وريدك
سيب احساسك يطمنى
وخلى انفاسك قريبه منى
عشقت جنونك
مع نظره عيونك
وحتى عقلك بيفهمنى
زود اللهفه بشوقك
وعود احساسى على ذوقك
قرب واهمس بشويش
وفى قلبك خلينى اعيش
وقف الساعات
وراقب الدقات
عشان اللحظه متمشيش
وعاهدنى يالا واحلف
انك مش هتنوى البعد
هنبصم بصمه بالدم
تلعن خيانه الوعد
لبعض بنصدر
معانى تتقدر
والعشق ف صيفك رعد
# شيماء الدالى #
ليست هناك تعليقات:
إرسال تعليق