قصيدة / ( شد القلوع )
بقلمى / هدى سيد
٢٠١٦/٩/٢٩
ولما تجوع
شد القلوع
وإنسى تفكر
تانى ف رجوع
لم اللى فاضل
وإنوى الرحيل
وأرفض تعيش
جوه منها ذليل
وارمى حنينك
ف وسط البحور
وودع حبيبتك
بدمعة حنان
وقول يا بهية
ما لاقى الأمان
ورافض أكون
مواطن مهان
وأدى التحية
بكل امتنان
وقول يا بلادى
شاريكى بفؤادى
لكنى ههاجر
لخاطر ولادى
جعانة ما لاقية
ولا حتى لقمة
تسد فى جوعها
ولا حتى هدمة
بتستر جلودها
بنادى عليكى
يا أم البلاد
ما كان نفسى
أبدا ما بينى
وبينك يكون يوم
بعاااااااااااااااااد
ليست هناك تعليقات:
إرسال تعليق