اعجبتنى تلك الكلمات فقررت ان اعيد نشرها مرة اخرى
( كلمات من أعماقى )
سامح ايليا
انا المغلوب على امره
انا اللى عدت سنين عمره
لانا دارى بما فيها
ولا عارف حواريها
لانا شايف عدوينى
ولا قادراعديها
وارجع تانى واحكيها
انا الزمان
انا اللى كان
انا اللوعه
انا الحرمان
انا اللى عايش
كما الإنسان
انا اللى الهوى عندى
مالوش الوان
انا اللى بيقولوا عليه
بصير / عميان
انا الفكره
انا النسيان
انا الفرحه
انا الأحزان
انا اللى دموع عينى
كما البركان
يا مين يواسينى
على عمرى
اللى كان
على اشجانى وانينى
وحرمانى الحنان
ايامى وسنينى
وغياب الأمان
انا المغلوب على امره
انا اللى عدت سنين عمره
لانا دارى بما فيها
ولا عارف حواريها
لانا شايف عدوينى
ولا قادر اعديها
سامح ايليا
ليست هناك تعليقات:
إرسال تعليق