قصيدة بعنوان بقلنا سنين
بقلمى خراط الكلمات اشرف رمسيس
بقلنا سنين على دا الحال
ولا تعبنا من التجوال
دموعنا بحور حوالينا
ونتصبر بكام موال
وعودنا اللى كان اخضر
بيتحسر على الأحوال
على كتافنا هموم بالكوم
طريقنا بحور كمان بتدور
ووخدانا كدا بالدور
وفين برك كفاية غرور
سألت الليل وانا سهران
يا ليل شاهد على الأحزان
وكانت نجمة بتغمض
وسامعة شكوة التعبان
قالتلى الحزن دا قدرك
ادام ناوى تعيش انسان
صرخت بآها يا ويلى
يا بخت اللى إتولد حيوان
قالتلى النجمة يا ريتنى
شعاع نورى فى يوم يوصل
يا ريت يقدر يشيل عنك
اساك منك يا ابو الأحزان
أدم كاسك لازم تشرب
مفيش مهرب ودى
قصة بلا عنوان
نعيش فيها وبعديها بننهيها
نموت زى اللى ماتوا زمان
مفيش غيرك يا رب الحى
ومشكل فى الحياه الوان
ليست هناك تعليقات:
إرسال تعليق