أنا إيه بالنسبة ليك يابلدى
مالك م تقوليلى وريحينى
هو صحيح أنا جزء منك
ولا أنت اتبنتينى
ليه أنا عندك رخيص
وأنت غاليه ياضى عينى
متقوليلى عبرينى
حتى بإشارة فهمينى
ولو مفيش وقت عندك للكلام
مش ضرورى تكلمينى
أنا مبطلبش منك مستحيل
هما مترين كفن بيهم هتكفنينى
وإن كان ليه فى مكان
فى ترابك ادفنينى
وأبقى اذكرينى
وخليكى فاكره
إن أنا ابنك إلى مات
على شط بحرك
وأنت واقفه من بعيد بتودعينى....
حمدى نورالدين جادالكريم
ليست هناك تعليقات:
إرسال تعليق