قصيدة/بعنوان
شر الشياطين
بقلم/الشاعروالاديب
عرفات الامير عبد اللطيف
مصر/قنا/الوقف/المراشدة
١٧/٨/٢٠١٦//٠١٠٦٢٢٦١١٣٥
""""""""""""""
يامن تقولون ولاتخجلون
نعوذ بالله من شرالشياطين
ياتري هما اللي ظالمينا دي أفعالنا
ولا احنا بأفعالنا اللي ظالمين
همابيتجنوا علينا ولااحنا للادب ناقصين
هماالشياطين قالولك تسب الدين
لوكان الشيطان وسوسلك
طيب لسانك في بق مين
هوالشيطان قلك تضرب وتشتم اخوك
لوكان وسوسلك
بس مابناش بينكم حيطةواتنين
هوالشيطان قلك تزني بمرات جارك المسكين
داراجل مريض ومن فقره بيكح طين
اعتبرك زي ابنه فتح لك بيبانه الاتنين
باب قلبه وباب بيته
باب قلبه كواه المرض وباب بيته يادوب خشبتين
وانت ياعاق والديك هوالشيطان
شال امك وراح بيها دار المسنين
وانت ياسكران ياعربيد
زجاجة الخمر دي في ايد مين
هوالشيطان قلك اغرق في ملزاتك
ولاهي دي فراغة العين
وانت ياقاتل وجاني هوالشيطان
كتفك ومسك مكانك السكين
وانت يامرتشي خدت الحرام بإديك
هو الشيطان قبض بدالك القرشين
وانت ياموظف سايب شغلك ومقضيها
دا انت بتشتغلهم يادوب ساعتين
وانت يامعلم ومربي الاجيال
خلطت حصةالحساب علب حصةالدين
طاب قلتم الالعاب حاجةتافهة وسكتنا
واستخسرتم في مادة الدين درجتين
طاب قلتم الدين بتاعنا في عيون الكفار هين
طاب وانتي يابلد عايشة ليه بدون الدين
طلعتواجيل مابيعرفش يقرا الفاتحة
طاب كيف التقدم والحضارةوانتم هدمتم الدين
وبعد داكله بتجيبوا العيب علي الرجيم
""""""""""""""
ليست هناك تعليقات:
إرسال تعليق