. ........(( طبع الليالي ))......
هو كده طبع الليالي...تنسي الحبايب وتبيع اللي غايب .
. .. ... .لا ليها صاحب....ولا ليها غالي........
ما تتعشموش غير كده ....ما تتعشموش
مهما كانت الضحكة عالية.... ع الوشوش
و كلمتين حلوين........... أبداََ ما ينفعوش
لطبعه الردي يعود ...أول مايمشي من أبالي.....
هو كده طبع الليالي...ما تستغربوش
فيها الحقيقة بتبان ..مهما دارتها حيطان أو بيبان
تشوفه جدع و من الورع دبلان
و لما تٕحتاجتله يقول...ما أعرفوش
ومن شكله لا يِعِيِب ولا يعَيب...وقلبه طيب وجلالي .
.هو كده طبع الليالي ..... .
لا بالشكل أبداََ تغتر ..ولا للندل في يوم تضطر
وعن الحق ....ما تنامشي و تتستر
ولا في الأرض....تمشي و تتمخطر
بيبات صحيح.... و تاني يوم يصبح مبالي
هو كده طبع الليالي....لا ليها حبيب ولا ليها غالي......
دنيا دوارة ....زي السواقي الدوارة
يوم تسقيك شهد و يوم تسقيك مرارة
لا بتخلي الراكب راكب...ولا الماشي بيفضل ماشي
فيها الحب و فيها الحقد......و الدنيا ل حد ماديماشي
والعلم من غير أدب..زي الجسم من غير عصب مايسواشي
وبمكارم الأخلاق والعمل...نور العلم علي الدنيا يلالي.......
هو كده طبع الليالي....
د/عمر عبد الجواد.
ليست هناك تعليقات:
إرسال تعليق