بابا زويل
...............
ان كان عندهم بابا نويل
عندنا بابا زويل
حدد أدق وحدات الوقت
فى النهار و الليل
برافو بابا زويل
لكن يا خسارة نارهم جنة
و جنتنا ويل
بفعل فاعل
شق نهار العلم بليل
و سود حياتنا و عيشتنا
و خلى فضيحتنا
بجلاجل
و خلى حياتنا
بسلاسل
و خلى جنتنا
براكين و زلازل
و خلى اللى طالع
نازل
و صدر لنا شوية دجالين
غصب عننا مثل ستالين
ديكتاتور و فاشى
و تور و ماشى
تور الله فى برسيمه
راح فين النيل و نسيمه
يا خسارة يا بلد
ع الظلم اللى اتولد
من سبع تلاف سنة
و احنا بنقاوم فيه
بصبر و جلد
لما زهقنا من أم البلد
على لمبة جاز
حقق أكبر إنجاز
هو و فاروق الباز
على لمبة جاز
أما اللى عايشين ف قصور
و ألنور داير ما يدور
خلوا أيامنا ناحسات
و خلوا أعلامنا ناكسات
و خلوا أحلامنا بائسات
و خلوا أمالنا يائسات
و الاسم عربسات و نايل سات
و شوية معرسين و معرسات
...................................
بقلمى محمد أبوالمعاطى
ليست هناك تعليقات:
إرسال تعليق