الدنيــا ماشــيه خلــف خــلاف
والناس ماشـــيه بضهــــرها
فيـه ناس غلبـانه وناس فقــير
وناس بتـاكـل فـى بعضــــها
وناس شقيـــانه وناش جعـــانه
وناس مش لقـيه حـــد يصــدها
متحكـمين ف أكلنــا وف شربنــا
متحكـمين ف دوانا وعجـــزنا
والفســاد بيجـــرى ف دمهــــا
الباشا دا بيستوردلنا اغذيه فاسده
وقطع غيــار معفـنه
والبيه دابيستوردلنا لحوم مسرطنه
وحاجات كتير منتنه
والفتــوه ده بيتحكــم ف الاسعـار
ولا همـه إرتفـــاع سعــر الدولار
ولا همـه إقتصـــاد بلـــد ينهــار
ناس جبـاره ناس شديـده ومتمكنه
ناس قلوبها ماتت ناس ناسيه ربنا
ودى رقاصـه بتهـــز ف وسطهــا
بتكســب ملاييــن يابختـــــها
لكن دى مش قضيتنــا دا حظــها
القضـيه ف قططـــها وكلبــــها
اللي بيكلــوا لحــمه ف كل طقـه
وفيـه ناس مش طـايلـه تشمـــها
القضيه ف الطبال اللي كان بيطبلها
دلوقـتى بقـى البيه المليـــاردير
وبقى فيه الف حوت زيه
ومليــون حربايه زيهــا
القضيه في برستچهــا ولبســها
ولا لقيه حد يكسرها ولا حد يلمها
وعمار يامصر ياموا الكرم والجود
وكل دا وصـابـرين
علشــان خاطــر عينيك الســـود
لكــن لحـد امتـا
الناس هتفضـل رابطـه علـى بطنها
وهى شايفه بعنيها مستقبـل بيخضها
كفــايه رقص وحنجـله
دى مش اصول ولا مرجله
المرجله انك تساعدالفقيروالمحتاج
ولا انتا مش مصرى مننا
لها بقيه ان شاء الله
بقلمـى // صابر الطوخـى
ليست هناك تعليقات:
إرسال تعليق