أصله شيطان
وحظك ماله في الدنيا
يامسكين
دا غيرك ياما في الدنيا
وساكتين
يا عايش لسه علي قدك
وطمعان في رضا ربك
قولي مين كدا حسك
وإحساسه عليك سكين
ياطيب في زمن خاين
فيك الكل ليه طمعان
علي الأهل كمان هاين
ولا حقك كمان بيبان
قلوب الناس خلاص ماتت
وقلبك قسمته الأحزان
واخرتها تكون ساكت
فقالو عليك دا اصله شيطان
ولو بتصون في طول الأرض
ولو حتي ماسيبتش فرض
مادام ماعجبتش انت حد
فهيقولو دا أصله شيطان
=================
ياشايل فوق كتافك حمل
يا متحمل ومش زعلان
كلام الناس كتير بيغل
ومين بيحس بيك إنسان
ولا بتزعل ولا بتمل
وشايفينك كمان غلطان
وأخرتها تلاقي الكل
يقولو عليك دا أصله شيطان
ولو بتصون في طوب الأرض
ولوحتي ماسيبتش فرض
مادام ماعجبتش انت حد
هيقولو دا أصله شيطان
بتزعل بس ليه جواك
تخبي الحزن في ضلوعك
واهي الأيام معانده معاك
ومين هيحس بدموعك
مفيش حد بينفع حد
بلاش حتي تقول تعبان
بإيه تفيد دموع الخد
مادام شايفينك انت شيطان
ولو بتصون في طوب الارض
ولو حتي ماسيبتش فرض
مادام ماعجبتش انت حد
هيقولو دا برده شيطان
==================
كلام الناس دا مابيخلصش
ولا حسين بذل لسان
قلوب سودا ومابترحمش
قلوب قادره علي العصيان
ولو بتعيب في طريقتهم
وجبت العيب في طينتهم
ولو وقفت بسكتهم
هينهشو فيك كما الغربان
وهيقولو
دا أصله شيطان
ولو بتصون في طوب الارض
ولو حتي ماسيبتش فرض
مادام ماعجبتش انت حد
هيقولو دا برده شيطان
=================
أحمد طلبه
٢٠١٧/١٠/٣١
ليست هناك تعليقات:
إرسال تعليق