مش بالكلام
بقلمي مروة السمكري
اوعدك مش بالكلام
في العيون
انت تنام
والجفون غطى وسلام
مش كلام
انا الخصام عندي ليوم
قصدي القلب الطيب
عندي هيام
يوم بيزعل
يوم بيرضى
وأوقات
في ثانية
ينسى الآلام
ياما كلمة حلوة
رفرفت في القلب
زي اليمام
انت في الحلم جنبي
في صحوي بقربي
لو انت بتضحك
كل الدنيا تزغرد
زي الطفل قلبي يناغي
يهرب من جفني المنام
انت في النياط سكونك
في الخلايا انا اصونك
في الحنايا اخفي شجونك
مش كلام
رب السما رب رحيم
لما خلق ابو البشر
كنت انت عاليمين
بين رموشي تستكين
نغمك جوايا حب وحنين
مش كلام
لما اشوف عنيك
والرموش. تنده عليك
في الحنايا احتويك
في احلامي اناديك
الاقيك بتناديلي
مش بالكلام
القلب للقلب مرسال
أمام الله انت الحلال
شهدت ربي
انك حبيبي
من اليوم
ليوم القيام
مش كلام
احبببببببببببك
ليست هناك تعليقات:
إرسال تعليق