(عاشرت ناس ) بقلمى /امال مصطفى الشامى
عاشرت ناس
مطمرش فيهم عشرتى
ولما جيت اعاشر كلب
وفالى وطمر فيه لقمتى
صحيح ان اسمه فعلا كلب
لكن بيحس وبيفهم
افضل من عشرتى لانسان
بيجرح فى قلبى ويألم
صحيح كلب بيهوهو وبيعوى
لكن احسن من ناس كتير غداره
لو حس بصاحبه محتاجله
بيجرى عليه بآشاره
افضل من كلاب تانيه
قليلة الاصل بجداره
عاشرت ناس
ملقتش فى قلوبهم وفا
لقيت بيجرى فى دمهم
خيانه وغش وقسوه وجفا
واللى باع و سابنى ومشى
بعد ما شبع من حبى واكتفى
واللى فى وقت شدتى بيبعدو
واللى غدرو و قلو باصلهم
واللى عليا كانو بيحقدو
واللى الخبث مالى قلبهم
عرفت بس وقتها
ان الكلب اوفى منهم
عارف ازاى يصون صاحبه
فعلا اصيل عنهم
عاشرت ناس
ماشوفت ابدا زيهم فى دنيتى
يفرحو اوى فى بكايا
واما افرح يكسرولى فرحتى
عاشرت ناس
مطمرش فيهم عشرتى
واما جيت اعاشر كلب
وفالى وطمر فيه لقمتى
ليست هناك تعليقات:
إرسال تعليق