حبيبة قلبى
وبسرعة كدة حاسبي
وعدي أيامك الباقية
فاضلك كام
ده راح العمر
وف ثانية
ومر قوام
ومين دور علي نفسه
ومين حاول يشوف حاله
وقابله قوام
خلاص فاتت سنين مني
ولا حسيت
بأن العمر مستني
اقوله يا ريت
وفجأة
لقيتني اودامي
سراب مريت بايامي
وأحاول أفتكر
ما نسيت
يا بنتي يا كل أحبابي
خلاص واربت أنا بابي
باقيلي إيه
وإيه غير روحى
وياكم
وعمر أيامه في هواكم
وأقولك إيه
نصيحة تلحقي روحك
وداوي بسرعه ف جروحك
ولا تكوني كما الماضي
واقف صامت بيتفرج
ولا تكوني في يوم
غيرك وخليكي قويه كمان
وصحي جوة فيكي الصوت
وقولي مهما كان راح أموت
وأكون ذكري
يا ريت دايما أكون حلوة
وبايماني وبالحب آل
كان منك في يوم
يا أمي وسقاني
أنا حكبر واعدي وافوت
وحتحصن بصوت قرآن
ملا وداني
وحتغير عشان ارضيكي
يا كياني..
أنا حبك وجوة القلب من غيري
يكون جنبك..
أنا أمك وغير الأم ما تلاقي
حبيب بيدوم..
دعيت ربي يصون أحبابي
من بعدي ولا يعدي
عليكم حزن من بعدي
وأنا راضيه برضا ربي
وعاشقة حبيبي من بدري
وبندهله مع الملكوت
إلهي..يا كل الكل يا جاهي
أنا أغني العباد بهواك
وأنا دايما بروحي معاك
ما يشغلني حبيبي سواك
ولو كل الوجود جاري
أنا بروحي وأفكاري
بكون وياك..حبيبي
وأقول ياااااااااا رب
يا وليي يارب رضاك
يارب رضاك
حبيبة قلبى
مين بعدي حيدعيلك
يا ريت ترضي
عشان ربي
بيعطيلك
ولا حاجز يكون بينك
وبين رب الوجود والكون
وكوني قريبه منه
سبيله الأمر واستني
تلاقي نفسك الحلوة
ويكتروا الحساد بالكوم
عشان نور الطريق ياخدك
لاحلى احلى شئ
في الكون..
بقلمي وروحي/ أمل التابعي الشاعرة
ليست هناك تعليقات:
إرسال تعليق