( مناجاه )
*************
محتاجلك يارب
تاخد بيدي تهديني
وتغفر ليا كل ذنب
لعصيانك موديني
الجراح ملت القلب
والدموع آه بيكويني
من بعدك انت يارب
مليش حد يشفيني
انا بحر عيني جف
بكتر البكا على ذنوبي
الكل خد مني جمب
مبن غيرك هبحميني
يا صاحب كل امر
بلطف لطفك نجيني
حالي انعدى الصعب
ومين غيرك هيؤيني
يا فارج كل كرب
وصاحب كل فضل
اغفر ليا كل ذنب
بنسايم عفوك ارقيني
محتاجلك يارب
ترحمني وتنفيني
اغسل ليا القلب
من هواه في الجب
إملاه ايمان يقويني
وارزقني بكل درب
ستر منك يغطيني
فوضت ليك الامر
محتاجلك يارب
مددك بارب يكفيني
****************
(.مناجاة )
مجدي فرحات
ليست هناك تعليقات:
إرسال تعليق