بيان هام لكل القلقانين و الخايفين على مصر
طول عمرهم جدعان قوى المصريين.
و فين من أيام يوسف الصديق
اتقال على مصر
ادخلوها ان شاء الله اامنين
و العدرا و المسيح جم عندنا
و قعدوا برضو عندنا هنا مطمنين.
و احنا بوعد اللى وعد مصدقين.
أصل اللى وعد مين
اللى وعد رب العالمين..
مصر من أيام اخناتون عرفت بدايات التوحيد.
و من أيام أوزوريس عرفت القيامة.
مصر من أيام ما كان العالم
ما يعرفش معنى كلمة حضارة
كانت للحضارة علامة.
و ياما ياما حاولوا يرشوها بالنار
مصر بدراع قوية
كبشت النار ، و عملتها فنار.
و قفت بيه على شطها.
عشان تدل سفن الحضارة
اللى عابرة على بحرها
عشان تمشى فى خطها و توصل مقرها.
بيتقال العراقيين الجدعان
حرروا الموصل و خلصوا الحكاية.
و بيتقال الليبيين الجدعان
و فى ضهرهم نسور جونا.
سيطروا على بنغازى
و دى تبقا بداية النهاية.
و السوريين الجدعان
شكلهم كده خلصوها
و الحقيقة كدة كفاية.
عشان كدة احنا علينا غل
لكن و غلاوتكم
حنحول الغل فل.
و هتفضل مصر فوق، فى عليين
و هيفضل شعبها و جيشها سد متين.
و اللى هيستشهد فينا
هيقوم بداله ملايين.
و مصر هتفضل دايما حافظة العهد.
و مصر هتفضل دايما مصدقة بالوعد.
اطمنوا........
الشاعر العجوز
مرقص اقلاديوس
ليست هناك تعليقات:
إرسال تعليق