.... (( زينة رمضان )).......
زينة رمضان
أشكال و ألوان .....
و عليها نكتب أسامينا .......
يلا يا محمود ......
يلا يا إسحق يلا يا مينا
الإيد في الإيد .. ...
الفرحة تزيد و وجودكم عيد
و معانا نعلق الزينة......
زينة رمضان
بهجة و عنوان .....
لهلال رمضان ......هل علينا
إفرحوا يا ولاد ....
هلت الأعياد ..عيدوا الأمجادِ
و نصوم و نسطر تهانينا......
المسلم يوَحًَد ربُه
و مسيحي يمَجًَد سيدُه
و إحنا أصحاب.....
و الباب في الباب...جيران أحباب
و كلنا للمولي عَبِيِدُه
و رمضان علينا الله يعيدُه
بالخير و محبة لبعضينا.....
العزم شديد...
وحدتنا أكيد...و نقول و نعيد
يا رب يحقق أمانينا......
شهر رمضان......
رحمة و غفران...و هُديَ و إحسان
بهلاله البركة تهل علينا......
نفطر في المغرب و نحَلًيِ
و نسهر في الحارة و نغني
و قلوبنا علي بعض تَمَلًيِ
و فوانيسنا تنور ليالينا ........
صلاة و تراويح.....
زكاة و تسابيح...لا أذي و تجريح
و نزور حبايبنا و أهالينا ......
زينة رمضان...أشكال وألوان
و عليها نكتب أسامينا .....
د/عمر عبد الجواد عبد العزيز
ليست هناك تعليقات:
إرسال تعليق