قصيدة بعنوان(حرف وورقة وقلم)
بقلم الشاعر(عرفات الامير)
مصر قنا المراشدة /٢٠١٧/٥/١٩
=========================
((١))
دورت علي كلام ينكتب
لقيت الكلام خلص الكلام
جف المداد وسمعت صوت
بيقلها ليا ابحث عن اللي انت
عاوزه في الاحلام خلاصة الكلام
حتي الحروف تركت الخوف
ورافضة تترص ف جمل
او حتي ف كلام والقلم
بيبعد عنه صوابعي بكل قوته
والورق كان رد فعله اتصدم
لما شاف ان الجدال احتدم
حتي الحروف نطقت ف خوف
وف صوتها بحة الآلام
زي مايكون حبة حطب
ولعت ف جوفها شعلة من نار
ولسانها بيقول كفاية اللي انكتب
كلام خلقته من عدم وبدون سبب
كتبت حب والقلوب ماليها الندم
كتبت فرح وزرعت اشجار الامل
اشجار مافيها عود ولاحتي طرح
وسميتها زور اشجار هوا فين العقول
اللي ممكن تصدقك او تدي صفح
اشجار عبيطة لا ضللت علي شموس الخجل
حتي الورق قام واتعدل سمع الجدال
اللي احتدم سمع الكلام بين الحروف وياالقلم
عاوز يميز مين فيهم اتظلم
قالت حروف متبعترة وسط السطور
للقلم كتبت حب للمحبوب طاب اكتبه
من جوا قلبك وارسمه بحبر نبضك
وردة ف حضنك واقسمه بين الاحبة
بالتساوي والرضا ان كنت ناويها تودها
وادي حكاية حرف وقلم ووسطيهم ورقة
===================
ليست هناك تعليقات:
إرسال تعليق