قالوا. !
القلب له احكام
قلت !!
كلام فاضي
قلبي أنا طيار
مالوش شط
ولا مدار
قلبي أنا القاضي
قالوا !
كفاية غرور
بكره تقوم الليل
بكره تشوف الويل
والهم يبقي تلال
والدمع يبقي بحور
قلبي ...
وقع في الفخ
قلبي
اللي عمره مانخ
صياد وكان شاطر
اسم الكريم شاطر
في الحب كان شاطر
صدقت كلمتهم
قلبي
اللي كان فاضي
دلوقتي
بقي ماضي
لطريق مالوش
رجوووع
قلبي
بقي موجوع
قولولي
يا اهل الهوي
إيه العمل والدوا
محتاج
طبيب اتنين
واحد يداوي القلب
والتاني لدمع العين
نعمه السواح
ليست هناك تعليقات:
إرسال تعليق