حتى ينكسر القيد الذي يحز في قلبي وتتسابق الكلمات على دروب الإحساس..
لا بد ان تتناثر نبضاتي بين حين وآخر على بياض الورق...
من قلبي اهديكم كلماتي
------------------------
_____________________
__________________
جميع الحقوق محفوظة 2017
(( طولت غيابك ))
رحت وطولت غيابك
يا ما دقيت بوابك
وهلق شو جابك
بعد سنين غياب
*********
أولك يا حبي
بعدك ساكن بقلبي
ما تركتلي الغربه
الا دموع وعذاب
*********
رحت وهلق راجع
فيي تصحي المواجع
لوينك وين راجع
قلبي سكر البواب
*********
شو فكرني نسيت
اديش لوحدي بكيت
خايف لو حكيت
يبكي عطر التياب
*******
روح وما بدي تروح
قد ما القلب مجروح
بحبك يا كل الروح
وكل الجفا كذاب
بقلمي امير الغزل حسين خليل ملحم
ليست هناك تعليقات:
إرسال تعليق